بني تمــــــيم منزحيـن الخصيـم

يقوله اللي ماكذب فـي كلامـه

ان كانها بالمفخره مـن قديـم

مناب ذيل المجد حنـا سنامـه

فان كانها بالضيم حنـا نضيـم

وان كانها بالدين حنا زمامـه

وان كان صار في القبايل زعيم ))

(( ياما وياما صار فينـا زعامـه

كم سيد ساد الاخلايق من تميم

ولنا الردافه لين يوم القيامـه

مقامنا عند الأعــارب عظيـــم

وفرساننا قبل الهلالي وعامــــه

ورماحنا لى زرجـن بالعديـم

مظهارها يشدي لريع الثمامـه

نودع ضنا من يحتقرنا عديـم

شيال حمل الزوم حنا عكامه

كتبت الشعر مو لجلك ولكن فاض بي بركان
وأما انتي فلا تسوي قصيده في نظر عيني
حلفتي لي تصونيني اذا صار الزمن خوان
وأول ماعثر حظي على دربك خذلتيني
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني
خسااارة كيف حبيتك؟؟نعم والله انا ندمان
غبي ادري نعم ادري مادام انك سكنتيني
ثلاث سنين من عمري وانا في لعبتك غرقان
أشيل الشوك من دربك وجرحي كان يدميني
وكنت ابكي اذا تبكي واكون لبسمتك فرحان
وكنت اقرب من رموشك لعينك يوم تبغيني
عرفتك للاسف صحرا وحولتك الي بستان
وشلتيني غصن اخضر وفي صخرك زرعتيني
حفرتك داخلي ظني تصوني عشرتي ازمان
وكنت احفر قبر موتي على ساحل شراييني
على كف الشقا نامت جروحي ولالم سهراان
يحطمني..يبعثرني..وفي صحراك يرميني
ولكن عزتي تفرض اكون بدنيتي سلطان
وان ظنك اجي اركع لرجلك ..ماعرفتيني
انا ماعادتي اشحت من امثالك رضا واحسان
اموت بعزتي ارحم ولا ذلك يغطيني
ومادام الوفا عندك يدور له على عنوان
بدور لي على قلب يصون الحب وسنيني
ولو قلبي ذكر حبك بولع فيه بالنيران
وبكسرهااا انا رجلي اذا صوبك توديني
ولو دار الزمن ضدك وجيتي تطلبي الغفران
وجبتي الشمس في كفك لعندي ..مابتلقيني
تقول الناس في وصفك: جميله مثل عود لبان
وانك أجمل واحلى بشر مخلوق من طيني
وانك غاليه واثمن من الياقوت والمرجان
يقوم الكـون من شـانك وتقعد لك بلاديني
حساااااافه غرهم شكلك وياما تخدع الالوان
عموماً..قد بقت كلمه اخيره لك وسمعيني
اذا كنتي بنظر غيري ملاك في شكل انسان
قسم بالله ماتسوي قصيده في نظر عيني